يسرنا ويشرفنا استقبال الدفعة الجديدة في حاسبات الزقازيق الدفعة 2024-2025
أهلا وسهلا بيكم جميعا.. شباب الغد التكنولوجي وكل ماهو حديث ومتطور 😎
حابين نعرفكم أكتر بالبرامج الخاصة الجديدة المفتوحة للتقديم بها ✌️
💥 كليتنا بتتطور سنة عن سنة وبنضيف مايواكب تطور التكنولوجيا وسوق العمل المحلي والدولي ويتفق مع تحقيق رؤية وأهداف مصر 2030 عشان ننافس في سوق العمل بخريج مؤهل لمواجهة كل التحديات والمتغيرات السريعة في عالمنا
🧑🏼💻🧑🏫🧑🎓
💥 لذا يسرنا فتح باب التقديم لطلابنا الأعزاء في ثلاث برامج مميزة خاصة بمصروفات مختارين بعناية لمواكبة تطورات سوق العمل الحالي:
1️⃣ أولا: برنامج المعلوماتية الطبية
2️⃣ ثانيا: برنامج الذكاء الإصطناعي وعلوم البيانات
3️⃣ ثالثا: برنامج الأمن السيبراني
حضرنا لكم ردود علي أشهر الأسئلة والاستفسارات اللي توصلنا بخصوص البرامج الجديدة:
⭕ مين مسموح له يقدم في هذه البرامج ؟ 🤔
✅ كل الطلاب المقبولين في حاسبات الزقازيق 🥳
✅ كمان لو حاسبات الزقازيق الأقرب لمكانك بس نتيجة التنسيق كانت لجامعة بعيدة دلوقتي تقدر تحول لحاسبات الزقازيق حتى لو تقليل الاغتراب متقبلش علي أحد هذه البرامج. 🫣
⭕ المصاريف كام؟
✅ حوالي 24 ألف في السنة تقسم علي تيرمين.
⭕ المصاريف ثابتة ولا ممكن تزيد كل سنة؟
✅ المصارف ثابتة لغاية لما الطالب يتخرج مفيش زيادة
⭕ طب لو اترشح لكلية تانية خلاف حاسبات ينفع يدخل البرامج ديه ؟
✅ ايوة ينفع بس المهم يكون جايب مجموع الحد الادني لقطاع الحاسبات
علمي رياضة===> 342 درجة بنسبة 83.41%
علمي علوم ===>363 درجة بنسبة 88.54٪
⭕ جميع البرامج بالكلية تقبل علمي علوم وعلمي رياضة؟!
✅ متقلقش لو إنت علوم مجهزينلك كورس إضافي للرياضة التأهيلية 💪
✅ ولو إنت رياضة مجهزينلك كورس إضافي للأحياء لو ناوي تقدم علي برنامج المعلوماتية الطبية 😎
يعني هنساعدك تحقق حلمك أيا كان ونحضرك ليه 😉
⭕ التقديم للبرامج الخاصة ازاااااي.. ؟؟
✅ لو إنت قبلت في التنسيق حاسبات الزقازيق هتقدم طلب في قسم شئون الطلاب بالكلية للالتحاق بالبرنامج اللي تختاره.
✅ لو قبلت في مكان تاني بس محقق شرط الحد الأدنى اللي وضحناه فووق 👆يبقي تقدم طلب للتحويل في المكتب الرئيسي للتحويلات في جامعة الزقازيق مبني شئون الطلاب الرئيسي بجوار كلية التجارة بالجامعة.
⭕هل فيه معامل مخصصة لطلاب البرامج ؟
✅ متوفر معامل متميزة ومتخصصة لطلاب البرامج الجديدة زي:
- معمل الذكاء الاصطناعي
- معمل الشبكات
- معمل الروبوتات والمعلوماتية الطبية
- معمل الأمن السيبراني
- معمل الفيزياء
⭕وبخصوص التدريب هل هنلاقي أماكن نتدرب فيها بشكل عملي؟ 🤔
✅ وفرنا فرص للتدريب مختلفة من خلال عقد بروتوكولات تعاون مع أكتر من جهة تقدم التدريب لطلابنا المتميزين ومنهم:
جهات التدريب:
🔹أكاديمية سيسكو
🔹أكاديمية هوواوي
🔹معهد تكنولوجيا المعلومات ITI
🔹المعهد القومي للاتصالات NTI
🔹معهد بحوث الاليكترونيات ERI
🔹وزارة الدفاع والانتاج الحربي
🔹شركة IBM
🔹شركة Aws خدمات نظم الطيران
🔹وكالة الفضاء المصرية ESA
🔹شركة ESRI لنظم المعلومات الجغرافية
🔹وكالة الفضاء المصرية
💥 أيا كان اختيارك هتلاقينا في استقبالك للرد على جميع الاستفسارات وتوضيح كل التفاصيل من خلال متخصصين متواجدين في الكلية يوميا.
كمان تقدر تكتبلنا كومنت ع البوست 👇 وهنتابع أسئلتكم ونرد عليكم في أقرب وقت ممكن إن شاء الله 😊
أطيب التمنيات لجميع الطلاب بالتوفيق لإختيار يناسب قدراتهم وأحلامهم وإحنا معاكم خطوة بخطوة 💪